Կին ղեկավարները 20% ավելի քիչ են վաստակում

Թեև գերմանացի կանայք ավելի հաճախ են դառնում ղեկավարներ, բայց նրանք ստիպված են բավարարվել ավելի քիչ աշխատավարձով, քան իրենց գործընկեր տղամարդիկ: Ինչպես հայտնում են գերմանական համալսարանի տնտեսության հետազոտությամբ զբաղվող փորձագետները, կին զեկավարները անձնական ընկերություններում վաստակում են 21% ավելի քիչ, քան տղամարդիկ: 2001 թվականին այս տարբերությունը ավելի մեծ էր՝ մոտ 30%:

Բացի այդ, կանայք ավելի հաճախ կարող են օգտվել այնպիսի ծառայություններից, ինչպիսիք են ծառայողական ավտոմեքենան, բջջային հեռախոսը կամ անձնական համակարգիչը, նշում է Frankfurter Allqemeine-ն:

Կանանց թիվը առաջնորդական դիրքերում 2001-ից մինչ 2010 թվականը աճել է 22%-ից 30%: Այդուհանդերձ մեծ ձեռնարկություններում գրեթե միշտ վերջին խոսքը տղամարդուն է:

«2011 թվականին Գերմանիայի 200 ամենահզոր կազմակերպությունների ղեկավարություններում կանայք կազմել են 3% և հիմնականում բացառություններ են եղել»,- հայտնում է տնտեսական հետազոտությամբ զբաղվող գերմանական համալսարանը, գրում է euromag.ru-ն:

Հարցեր, պատասխաններ, մեկնաբանություններ